តើមានមនុស្សប៉ុន្មានដែលបានស្លាប់នៅក្នុងអវកាស?

អវកាស ជាកន្លែងគ្រោះថ្នាក់សម្រាប់ជីវិតរបស់មនុស្សសត្វ ដោយសារតែ សិ្ថតនៅទីនេះគ្មានខ្យល់ គ្មានទឹក និងមានកាំស្មើរមរណៈជាច្រើននៅកន្លែងនេះ។ ដូច្នេះតើមានមនុស្សប៉ុន្មាននាក់ដែលបានបញ្ចប់ជីវិតរបស់គេនៅក្នុងសុញ្ញអាកាសមួយនេះ?

អវកាស គឺជាតំបន់ដែលមានកំពស់ប្រមាណជា១០០គីឡូម៉ែតពីលើផែនដី ដែលចាប់ផ្តើមចេញ ខ្សែរមួយ ដែលត្រូវបានគេស្គាល់ថា Karman Line។ ប្រសិនបើយើងពិនិត្យទៅលើហេតុគ្រោះថ្នាក់មួយចំនួននៃការធ្វើដំណើរទៅអវកាសនោះ មានដូចជា Apollo ទី  1 ដែលបានស្លាប់អវកាសយានិកបីនាក់នៅក្នុងឆ្នាំ ១៩៦៧ និង Space Shuttle Columbia ដែលបានផ្ទុះនៅលើផ្ទៃអាកាសនៃរដ្ឋតិសាស និងបានស្លាប់អវកាសយានិកចំនួន៧នាក់ នៅឆ្នាំ២០០៣​ នៅពេលដែលយាននេះ ធ្វើដំណើមកកាន់ផែនដីវិញ។ ដោយហេតុការណ៍ទាំងនេះ សុទ្ធតែកើនមាននៅក្រោមកំពស់ ទាបជាង១០០គីឡូម៉ែតរបស់ផែនដី។ Apollo ទី  1 បានផ្ទុះនៅផ្ទាល់នឹងដី នៅក្នុងកំឡុងពេលនៃការធ្វើតែស្តសាកល្បង ហើយ Space Shuttle Columbia នោះបានផ្ទុះនៅរយៈកំពស់ប្រមាណជា ៥៨គីឡូម៉ែតពីផ្ទៃដី។

អវកាសយានិកទាំង៣  

ចុះមានមនុស្សប៉ុន្មាននាក់ដែលបានស្លាប់នៅក្នុងអវកាស? ចម្លើយនោះគឺ ៣នាក់តែប៉ុន្នោះក្នុងកំឡុងពេលប្រមាណជាជាង៥០ឆ្នាំនេះ។ ដោយអ្នកទាំងបីនោះគឺ អវកាសយានិកជនជាតិសូវៀត ដែលមានឈ្មោះថា Georgi Dobrovolski, Viktor Patsayev, និង Vladislav Volkov ដែលបានស្លាប់ក្នុងកំឡុងពេលនៃការត្រឡប់មកកាន់ផែនដីវិញ នៅក្នុងឆ្នាំ១៩៧១។ ពួកគេបានស្លាប់នៅក្នុងរយៈកំពស់ប្រមាណជា ១៦៨គីឡូម៉ែតពីផែនដី ដោយសារតែការបាត់បងសម្ពាធនៅក្នុងយានអវកាស។

អវកាសយានិកទាំងបីនាក់នេះ គឺសិ្ថតនៅក្នុងបេសកម្មនៃយានអវកាស Soyuz ទី ១១ ដែលមានបេសកម្មនៅក្នុងការធ្វើដំណើរទៅកាន់ស្ថានីអវកាសដំបូងរបស់សហភាពសូវៀត ដែលមានឈ្មោះថា Salyut 1ដើម្បីធ្វើការដកពិសោធន៍ផ្សេងៗនៅលើទីអវកាសនេះ។

(l-r) Dobrovolsky, Volkov and Patsayev

កាលពីដើមទីឡើយ សមាជិកក្រុមនៃយានអវកាស Soyuz ទី ១១ នេះ គឺជាក្រុមបម្រុងនៃយានអវកាស Soyuz ទី១០ទេ តែដោយសារតែបញ្ហាសុខភាពរបស់ក្រុមអវកាសយានិកនៃ Soyuz ទី១០ម្នាក់ ទើបធ្វើឲ្យគេជំនួសទាំងស្រុងនៃក្រុមអវកាសយានិកនៃ Soyuz ទី១១វិញ។

ដោយបេសកម្មនៃយានអវកាស Soyuz ទី ១១ នេះ គឺមានភារកិច្ចនៅក្នុងការបំពេញបេសកម្មរបស់ប្រមាណជា ៣០ថ្ងៃនៅលើស្ថានីអវកាសរបស់សូវៀត។ ដោយនៅក្នុងនោះ ពួកគេបានធ្វើពិសោធន៍ប្រមាណ ១៤០ ដងនៅក្នុងរយៈ២៤ថ្ងៃនៅទីនោះ។ ប៉ុន្តែជាអកុលពួកគេត្រូវបានវិញត្រលប់វិញមុនការកំណត់ប្រមាណជាមួយសប្តាហ៍ ដោយសារតែមានបញ្ហាដែលទាក់ទងទៅនឹងអារម្មណ៍របស់ពួកគេ គួបផ្សំជាមួយនឹងមាននៅខ្លិនចំលែកនៅក្នុងស្ថានីយអវកាសនេះដែលធ្វើឲ្យមានការសម្រេចចិត្តនាំពួកគេត្រលប់មកកាន់ផែនដីមុនកាលកំណត់បែបនេះ។

ការធ្វើដំណើមកកាន់ផែនដីរបស់ពួកគេមានភាពរលួនល្អប្រសើរ ជាធម្មតា មានតែបញ្ហាតិចតួច គឺការផ្តាច់ទំនាក់ទំនងរបស់ពួកគេនៅពេលមកដល់ផែនដីនេះទេ តែត្រូវបានអ្នកជួយសង្រោះយាន្តអវកាសសង្កេតឃើញ និងកំនត់ទីតាំងនៃការចុះចតរបស់ពួកគេបាន។ នៅពេលដែលអ្នកជួយសង្រ្គោះយាន្តអវកាសបានមកដល់ និងបានធ្វើបានគម្រោមយាន្តអវកាសនោះ គេសង្កេតឃើញថា អវកាសយានិកទាំងបីនាក់នេះបានបាត់ស្មារតី មុនឡើងខៀវ និងមានឈាមហូរចេញតាមមាត់ និងច្រមុះ។ អវកាសយានិកទាំងបីនាក់នេះ នៅក្តៅនៅឡើយ ហើយអ្នកជួយសង្គ្រោះបានធ្វើចលនាបេះដូង និងផ្លាំមាត់ជាដើម តែក៍មិនអាចជួយសង្គ្រោះជីវិតរបស់ពួគគេបានឡើយ។

ក្រោយហេតុការណ៍នេះ អ្នកសើបសង្កេតបានសនិ្ឋដ្នានថា មានការបាត់បងសម្ពាធនៅក្នុងយាន្តអវកាសយ៉ាងលឿន​ ដែលកើតចេញពីការរបូតស្ទះមួយនៅក្នុងចំណោមពីរនៅលើយាន្តមុនកាលកំណត់។ ដែលធ្វើអវកាសយានិកទាំង៣ រងនៅការប៉ះពាល់ជាមួយសុញ្ញអាកាសដែលធ្វើឲ្យពួកស្លាប់ ដោយសារខ្វះអុកស៊ីសែន។

ក្រោយពីហេតុការណ៍កើតឡើយ មានការបង្គាប់ឲ្យអវកាសយានិក ធ្វើការពាក់ឲ្យអាវអវកាសនៅក្នុងកំឡុងពេលនៃការត្រលប់មកកាន់ផែនដី ដើម្បីការពារហេតុការណ៍ស្រដៀងគ្នានេះកើតឡើង។ ដូច្នេះទោះបីជា អវកាសជាកន្លែងដែលគ្រោះថ្នាក់ក៏ពិតមែន តែមានមនុស្សតែបីនាក់ប៉ុណ្នោះ ដែលបានផ្តាច់បង្ខារនៅទីនេះ ដោយសារតែបច្ចេកវិទ្យា និងការប្រុងប្រយ័ត្នរបស់មនុស្សខ្ពស់នៅពេលធ្វើដំណើរទៅអវកាសម្តងៗ។  

---------------------------------------------------------------------------------------------------------------------

ឯកសារយោងៈ

-https://www.space.com/23182-gravity-film-worst-space-disasters.html

- https://www.realclearscience.com/blog/2018/07/23/only_three_humans_have_died_in_space_the_story_of_soyuz_11.html

- http://blogs.discovermagazine.com/vintagespace/2017/08/20/only-three-people-have-died-in-space/#.W_VreGgzbIU

-https://www.iflscience.com/space/only-three-people-have-ever-died-in-space-and-youve-probably-never-heard-of-them/

- https://edition.cnn.com/2013/09/21/world/space-accidents-fast-facts/index.html

- https://www.space.com/24870-what-is-space.html

-------------------------------------------------------------------------------------------------------------------------------------------------------------------------------